Νάο δοκουμέντου δι Κογγρεγάτσια τι Φάπτουρλε α Άγοιλορ

ΒΑΤΙΚΑΝΛΟΥ. "Κογγρεγάτσια τι Φάπτουρλε α Άγοιλορ" πουμπλικά ουν δοκουμέντου νάο του φώρμα δι αντριμπάροι σσι απάντασιουρ τι βάρα δι ασπέκτιλε καϊ σάντου λιγάτε κου δοκτρίνα α βισέρικαλλει. Ναϊ μα μούλτου δοκουμέντουλου ζμπουράσστσε τι ατσέα τσι νά ανβέτσα Κονσήλιουμλου Β' δι Βατικάνλου. Δοκουμέντουλου ζμπουράσστσε κά Βισέριτσλε Ορθοδόξε λιψέσστσε σ΄χίμπα βιτζούτε κα "βισέριτς σουρόροι" α Βισέρικαλλει Ρώμακαθόλικα κα λε'αού τσανούτα σακραμέντιλε σσι μούλτε άλτε.

Δοκουμέντουλου εάστε ανσιμνάτ δι Πρεφέκτουλου Γιουίλιαμ Κάρδιναλ Λεβάδα (William Cardinal Levada) σσι Άντζελο Αμάτο (Angelo Amato, S.D.B.) αρχιβίσκουπλου δι τίτουλα αλι Σήλα κα Σεκρετάρ α Κογγρεγατσίηλλει.

Νάο βιβλία α Πάπαλουϊ Βενεδίκτου ΙΣΤ' σσι πι ελληνικά

ΕΛΛΑΔΑ. Νάο βιβλία α Παπάλουϊ Βενεδίκτου ΙΣΤ' (καρ. Γιόζεφ Ράτσινγκερ) "Ιησούς δι Ναζαρέτ" τώρα πώτε σ'χίμπα γκιουβουσήτα σσι του Ελλάδα. Ατσέα ου'φατσέα Εδιτούρα "ΨΥΧΟΓΙΟΣ" δι Αθήνα του άνλου αίστου. Βιβλία α Άγιουλουϊ Αφέντου άζα πουτέμ σ'τζατσέμ κά εαστε βιβλία ναϊ μα καφτάτα του λούμε.
Τιράζλου α λλεϊ εάστε μούλτου ανάλτου του στάτουρλε δι Ευρόπα δι Γουέστ. Του Γκερμανία δι γιου σσι γίνε Πάπα Ράτσινγερ εάστε βίντουτα κάμα μούλτου δι "μπέστ-σελέρλου" αλι Τζ. Ρούλιγγ "Χάρη Πόττερ" σσι νάσα ηνσσά του κάμα δι τρέϊ εδίτσιη πάνα τώρα, α σ'ασστσέπτου νίκα μα μούλτου.
Του βιβλία Πάπα ζμπουράσστσε τι Όμλου Ιησούς κακούμ σσι δι "Χήλλου α Όμλουϊ " Ιησους Χριστός φάπτου δι Σπήριτλου Άγιου πρην Βήργηρα Μαρία, Δουμνιτζάαδρατώρα.

Ατσέλλοι καϊ βώρ σ'ου γκιουβουσέσκα βιβλία αϊστα πι ελληνικά πώτ σι'δούκα πι φράντζα α Εδιτούραλλει "Ψυχογιός": http://www.psichogios.gr
δι γιου βα σ'πωτ σ'ου ακούμπρα κου τιννία δι 22 δι Ευρό.

Αρχηβησκώπλου Δομινήκ Μαμπέρτη του βήζητα αλι ΡΕΓΜ (Σκόπια)

Σεκρετάρλου δι Στατ τι Ρελάτσιηλε ανάμισα δι Στάτουρλε, Αρχ. Δομινήκ Μαμπέρτι, εάστε του βήζητα οφιτσιάλα δι Ρεπούμπλικα Εξ-Γιουγοσλάβα αλι Μακεδονία του καϊ σ'αστραβαρσή κου Βησκώπλου δι Σκόπια σσι Εξάρχουλου Αποστόλικ αλι Μακεδονία, Κίρω Στογιάνοφ σσι αμπιστιμέννλλοι α Βισέρικαλλει Καθόλικα δι Σκόπια. Άζα, Δουμάνικα 01 δι Αλουνάρλου, νάς ου'δισφά Βισέρικα Καθεδράλα Αγγισήρε α Πριάγιαλλεϊ Δουμνιτζααδρατώρα Μαρία.

Νάς λιψέσστσε σ'αστραβαρσέσκα σσι κου ώμιννλλε οφιτσιάλοι άλι ΡΕΓΜ του τζάλιλε τσι γήν.
Κου ατσεα, Αρομάνια Καθόλικα βα βά'ινφορμέτζα τι ατσέα τσι σ'φεάτσε του λούμε καθόλικα ακλό γιού άρε Αρμάννοι.

Πάπα σ'τουρνά δι Βραζιλία

Δούπου πρώτα βίζιτα'α λουϊ, Σάμτσάλλε α Λουϊ Βενεδίκτου ΙΣΤ', σ'τουρνά δι Βραζιλία. Ατζιουτόρλου τσι Πάπα ου'δεάδε α βισκούπλλοι βραζιλικέσστσοι ηρά τι μοράλου α μπιστιμέννλορ σσι τι σουστσάνιρε τι αδράρε α πρώτλουϊ σάμτου βραζιλικέσκου.

Πάπα του πρώτα βήζιτα αλι Βραζιλία

Μουλτσήμε δι πιστιμέννοι κου μιράκε ου'απρουκήρα Πάπα Βενεδίκτου ΙΣΤ' νίκα δι κάντου βινέ κου αρουπλάνλου. Νάς λε'σπουνέ νίκα δι αχουρχήρε βαλώρλε αλι φαμιλία τραδιτσιονάλα σσι διδέ σουστσάνιρε πι ρεπρεζεντάντσαλορ δι στατ σσι δι βισέρικα σ'ου μαρέσκα γρίζα τι φαμιλία. Πι βισκούπλλοι αλι Βραζιλίε αλλ'σπουσε σ'προυμπάσκα σ'ου αζαπτασέσκα γινέρε α πιστιμέννλορ καθόλιτσοι του άλτε σέκτε του λόκουρλε αλι Αμερικία Λατινικιάσκα.

Βραζιλία άρε ουν λοκ σπετσιάλ του ίνιμα α Παπάλουϊ τζάσε Πάπα του ζμπόρλου δι αγκλινατσιουνάμε πι βηνήρε πι Αρουδρώμλου Ιντερνατσιονάλ του Σάω Πάωλο, "σσι νου σάδε τι'ατσεά κά ακλο μπανέτζα μούλτου καθόλιτσοι, αλλά σσι δι ισπέτε α μάρλορ ποσιμπιλιτάτς καϊ σάντου του στάτλου ατσελ τι τσι σ'χαρσεάσστσε Βισέρικα τούτα".

Βισέρικα του Αμερικία δι Νοτ λιψέσστσε κάμα μούλτου σ'λουκράσκα πι προμοβάρε α μπάναλλει ωμινάσκα, τζάσε Πάπα, α πρεζιτέντουλου Λούλα δα Σήλβα ου'διδέ ζμπώρ πι Πάπα κα γκουβερμέντουλου α λουϊ βα σ'βέδα σ'ου μαρέσκα γρίζα τι προτέκτσια αλι φαμιλία.

Πάπα γινέ του Βραζιλία σ'λε δα σουστσάνιρε σσ'πι βισκούπλλοι βραζιλικέσστσοι του εφόρτουρλε α λορ σ'ου αζαπτασέσκα αβορτουσλου, σ'λε μπάγκα μάρτζινε πι ρελατσήιλε σεξουάλε καϊ φάκα παθήματε πι μούλτιλε νιβέλε σοτσιάλε.

Πι αχουρχίρε α γινέριλλεϊ α λουϊ παστοράλα Πάπα τζάσε κά λιψέσστσε σ'αφλάμ απάντισε δι δελίχια σσι τζάσε κά εάστε χαριος κα του τζάλιλε τσι γίνα βα σ'πώτε σ'χίμπα κου μπανατόρλλοι δι Βραζιλία, καϊ δεαδούν κου Αμερικία δι Νοτ λε'άρε βαλώρλε κρισστσινέσστσοι ραδικάλε, καϊ βαρναώρα νου'άρε σ'χιμπα σπαστρήτε.

Βισέρικα βα σ'δα ινστρούκτσιοι μοράλε του κάθη σιτουάτσια σσι σ'λε ανβέτσα πιστιμέννλλε α λλεϊ σ'πωτ σ'αδούκα δετσίζιουροι κου λιμπερτάτε σσι δούπου βρεάρε α λωρ τι λούκουρλου καϊ ου'φακ. Τι'ατσέα νου άρε σ'αζαπτασέσκα σ'λουκράσκα τι μπαγκάρε α φουνταμέντουλουϊ α φαμιλίηλλει, κα θημέλλε α σουτσάταλλεϊ.

Βίζιτα α Παπάλουϊ βα σ'μπιτισέσκα πι 14 δη Μάϊ. Κά ατσέλλοι δι νίντε δι Νάς (Πάπα Παύλου ΣΤ' σσι Πάπα Ιωάννη Παύλου Β') Αγισίλλε α Λουϊ Βενεδίκτου ΙΣΤ' βα σ'χίμπα αν καπ α Ε' Κονφερέντσια δι Βισκουπία δι Αμερικία δι Νοτ σσι Καριβία, του χράμλου αλι Δάδα Δουμνιτζάαδρατώρα Μαρία του Απερικίδε.

Μάρε ιντερές τι βιβλία α Παπάλουϊ Βενεδίκτου ΙΣΤ' "Ιήσους δι Νάζαρετ". Πατριάρχου Βαρθολομαίο πιστιψεάσστσε κά βα ου'λλισσουρεάτζα διάλογο

Σουκτσές του τιράζλου α βιβλίηλλει νάω αλ Παπάλου Βενεδίκτου ΙΣΤ' "Ιήσους δι Νάζαρετ" σάδε τι τζάτσε τζάλε δούπου ινσσεάριλλει του βιβλιουθήτσλε του Ιταλίε 510,000 δι εξεμπλάροι ήρα βιντούτε, του Γερμανία 480,000 σσι του Πολάνδια 100,000. Του προτουζμπόρλου α εδιτσίηλλει πι λίμπα ελληνικά Οικομουνικός Πατριαρχός δι Κονσταντινόπολη Βαρθολομαίο Α' ου'σπούσε "ιντερέσλου α λουϊ μάρε σσι γίου" τι βιβλία α Παπάλου σσι βα σ'ου λλισσουρέατζα "διάλογο θεολογικ", κου τσι ου'σπούσε ναστριτσεάρε α προβλέμιλορ δούπου αμπαρτσάρε α μπισεριτσλορ καθόλικα σσι ορθοδόξα. Βιβλία ιρά πιτρικούτα του βιντεάρε πι 16 δι απρίηρ, κάντου Παπάλου Βενεδικτου ΙΣΤ' ουμπλή 80 δι αννοι. Νάσα άρε 448 δι φράντζα σσι κουστουσέασστσε 19,50 ευρό. "Ιήσους δι Νάζαρετ" άρε ουν τιράζ δι πρότα κου 350,000 εξέμπλαροι σσι πρότα πάρτε δι εδίτσια δι δάο τομουροι του και σα'ζμπουράσστσε τι ακτιβιτάτε δι σουτσάτα αλ Ιησούς.

Παπάλου ου'απρουκέ κλλοιμάρε αλ Μπαν Κη Μούν

Παπάλου Βενεδίκτου ΙΣΤ' ου'σπούσε απρουκιάρε α λουϊ τι γινέρε ποσίβιλα του Κέντρου Αγγενεράλ αλι Οργανιζατσία α Νατσίηλορ Ουνίτε του Νέα Γιόρκ. Αϊστα ήρα κονφιρμάτα δι διρέκτορλου α πρες κέντρουλουϊ α Βατικάνλουι πάτερ Φρεδερίκο Λομπάρδι, τι αντάμουσε α Άγιουλουϊ Τάτα πι Σεκρετάρλου Αγγενεράλ αλι οργανιζατσία δι λούμε, τσι σ'φατσέ του Βατικάνλου πι 18 δι απρίηρ. Πάτερ Λομπάρδι τζάσε κά, νίκα νου άρε δάτα κονφιρμάτα τι γινέαρε σσι πρόγραμμα τι βίζιτα νίκα νου γίνε πι ατζέντα. Δι πάρτε'α λουϊ Μπάν Κη Μούν ου'σπούσε χαράω α λουϊ τι μάρλε οπορτουνιτάτε. Πάνα αϊστου μομέντου ΟΝΟΥ ήρα βιζιτάτα δι δόϊ Πάπε: Παύλου ΣΤ' του ανλου 1965 σσι Ιώαννη Παύλου Β' του άννλλοι 1979 σσι 1995.